وقال مانوكيان في منشور عبر حسابه على مواقع التواصل الاجتماعي: بعد 15 سنة عطيت فيها كل شي عندي للنادي اللي حبيته من وأنا ولد… تم إبلاغي رسمياً إنّي ما رح كون بعد اليوم على رأس لجنة كرة السلة في الهومنتمن، للأسف، اللي حاربوا أحلامنا ربحوا هالمعركة، واختاروا مصالحهم الشخصية على حساب أحلام وآمال آلاف الهومنتمناغان والمحبّين حول العالم، بس التاريخ ما حدا بيقدر يمحيه”.
وأضاف: “بـ15 سنة حلمنا سوا، قاتلنا سوا، تألّمنا وفرحنا سوا… وربحنا كل لقب ممكن نربحو، شكراً لكل مشجّع، سبونسر، لجنة، متطوّع، مدرّب، ولكل محارب لبس القميص البرتقالي وقاتل كرمال هالشعار وجمهوره، أنا كنت هومنتمن قبل أي منصب، ورح ضل هومنتمن لآخر نفس”.
وتابع مانوكيان: “المناصب بتروح، الرؤساء واللجان بيتغيّروا… بس الهومنتمن ملك شعبه وجمهوره، يمكن أنهوا منصبي، ويمكن قتلوا مشروعنا مرحلياً… بس ما رح يقدروا يقتلوا حبّي للنادي، لشعبي وللبنان، ولا شو يعني الهومنتمن بالنسبة إلنا”.
وختم: “ما رح قول وداعاً… بل إلى اللقاء في الملاعب والساحات، لنرفع سوا كؤوس النصر من جديد… ولو بعد حين”.
Social Plugin